لا ياعم انا اشرب عصير قصب احسن

شهد الأحد أغسطس 16, 2009 11:18 am

السلام عليكم وحمه الله
قصه اليوم
لا ياعم أنا أشرب عصير قصب أحسن

مرة واحد كان معاه ربع جنيه

ففكر يعمل بيه إيه

يشرب عصير قصب و لا يركب الأتوبيس فقال :

أنا لو ركبت الأتوبيس هيبقي في حل من إثنين
يإما هقف أو هقعد

لو وقفت مش هيبقي في أي مشكلة

لكن لو قعدت هيبقي في حل من إثنين

يإما هيقعد جنبي راجل أو تقعد جمبي ست

أنا لوقعدت بجانب راجل مفيش مشكلة

لكن لو قعدت بجانب ست هيبقي فيحل من إثنين

لإما هنعجب ببعض يإما مش هنعجب ببعض

لو مأعجبناش ببعض مفيش مشكلة

لكن لو أعجبنا ببعض هيبقي في حل من إثنين

يإما هنتجوز يأما مش هنتجوز

لو مإتجوزناش مفيش مشكلة

لكن لو إتجوزنا هيبقي في حل من إثنين

يإما هنخلف يأما مش هنخلف

لو مخلفناش مفيش مشكلة

لكن لو خلفنا هيبقي في حل من إثنين

يإما هنخلف ولد أو بنت

لو خلفنا بنت مفيش مشكلة

لكن لو خلفنا ولد هيبقي في حل من إثنين

يإما هيستقيم أو هينحرف

لو إستقام مفيش مشكلة

لكن لو إنحرف هيبقي في حل من إثنين

يإما يدمن أو مش هيدمن

لو مأدمنش مفيش مشكلة

لكن لو أدمن هيبقي في حل من إثنين

يإما هيبقي معاه فلوس أو معهوش

لو كان معاه فلوس مفيش مشكلة

لكن لو كان عايز فلوس هيبقي في حل من إثنين

يإما هيسرقني أو هيقتلني

لو سرقني مفيش مشكلة لكن لو قتلني ..
.. يقتلني ؟؟!!!!!!!!!

لا ياعم أنا أشرب عصير قصب أحسن

**Admin** الأحد أغسطس 16, 2009 8:19 pm

ههههههههههههه lol!

بس برضو مهو ممكن يكون العصير نضيف و ممكن يكون ملوث
لو كان نظيف مفيش مشكله بس لو كان ملوث معدتو هتوجعو

اكمل؟؟؟....

لا ياعم انا اشرب عصير قصب احسن

لا ياعم انا اشرب عصير قصب احسن

رد: لا ياعم انا اشرب عصير قصب احسن