يوميات طالب فى الثانويه العاميه

kurapica الثلاثاء أغسطس 25, 2009 1:52 pm

قومت من النوم على صوت كصوت القنبله الذريه او انفجار مفاعل نووى

قووم يازفت الساعه7

ياه انا نمت ده كلوا****

طيب صحونى على10 علشان اسمع بسنت ودياستى

دياستى مين و10 مين قووم الساعه7 الصبح ياحمار

ياعم طيب هو فى حد بيصحى حد الساعه سبه الصبح دا انا اخر مره صحيت فيها كانت فيها الساعه7 كانت السنه اللى فاتت

يازقت قووم علشان تروح الامتحان

امتحان!!!!!!!!! الامتحان يوم الاتنين سيبونى انام وشديت الحاف ونمت

لقيت مره وحده اللحاف بتسحب مره وحده قووم ياحمار النهارده الاتنين

الاتنين انتم سيبتونى نايم يومين مع الصراخ فى لهجه تشبه البكاء

مهو انت زى المسطول قاعد فى البيت

يانهار اسود الامتحان النهارده واانا فاضيلى 1/2 المنهج مامفتحتوش

لقيت ابويا بيقولى انت شارب حاجه ياض مهو اتى نايم زى الجاموسه الوالده مفيش حد قادر يصحيك

قومت علطول فاتح سبرنت على الحمام ولا محمد زيدان فى ماتش مصر والكاميرون اتوضيت وصليت ودعيت ان الامتحان هيكون مناللى انا مذاكروا

فبقول فى سرى يارب الامتحان يكون سهل واحل واجيب 23فى الانجليزى
لقيت صوت كدا انا عارفوا بيقول هه هه ههه هتجيب23 تبقى تتف على وشى اذا جبت12

الله يقرفك ايوه هجيب 23 وبعدين انت مال اهللك يالا غور بدال مااقل ادبى عليك يابن ال****

انت لسه مالبستش

هلبش اهوو ياابويادقيقه واحده

اعمل بقى حسابى واخد كل حاجه معايا علشان مبقاش اشحت كل حاجه من

العيال والمراقب يقرفنى ويقول نفس الكلمتين

نسيت تاكل

نسيت تشرب

نسيت تخش الحمام

بص فى ورقتك مفيش حد هيغششك علشان تنسى تانى ياحمار

انا محدش يشتمنى كده دا انا ليه سمعتى فى البلد بردوا

اه كويس ادينى جبيت القلم ابو خط كبير معايا علشان املى الورقه ويفكرنى انى حليت كل حاجه

طيب عليا الطلاق لاكتب كل كلمه فى سكر واسيب 5 اسطر على شان اخلص ورقه الاجابه كلها

مهو لاانا لاانتم السنه دى

ناقص القلم الرصاص اجيب منين قلم رصاص دلوقتى
اه لقيت فى اخر الدرج قلم رصاص شبه البلح الزغلول واخروا استيكه دا كان بتاعى وانا فى تانيه ابتدائى

انت لسه مالبستش

هلبس اههوا والله قايم

بس فين الشراب
محدش شاف الشراب بتاعى
بيتغسل دهه شراب معفن

مين قالكم تغسلوا الشراب انا هلبس ايه لوقتى

البس اى شراب غيروا بقى متقرفناش

خلصت لبس وواقف قدام المرايا بعدل شعرى البس الكاب ولا انزلوا تحت

رحت قررت انى البس الكاب

انت لسه واقف مكانك ولا اجى وافتح قرشك

خلاص ياعم السلاح يطول ادينى نازل

وانا ماشى فى السكه حاسس انى مسطول ولا انى شارب بكته بانجو

كابتن اقفل السوسته
يادى الفضايح

احم احم

رحت المدرسه لقيت المبنى غير المبنى والعيال متغيرين وسابغين شعرهم لون اصفر زى مايكون اتقلبوا ابراهيم سعيد

المهم قلت اسال حد منهم عن مكان اللجنه

لقيت واحد كده شبه احمد مكى
المهم قلتيلوا وسالتوا عن مكان اللجنه وقالى ::

شايف يابوب المبنى اللى قدامك يمين فى شمال هتلاقيه فى قفاك

المهم لقيت اللجنه بعد ماتاخرت على الامتحان بتاع ربع ساعه
دخلت اللجنه ايه دى مش دا الواد اللى كان شعروا اصفر مالوا وشو بقى اصفر وشعروا ابيض ليه كده

المهم خد الامتحان وكانت الصدمه عرف نص الامتحان والنص تانى لاء

المهم حمد ربنا حليت وغشيت
واتخانقت مع المراقب عمال يقولى الوقت خلص وانا كما ن اقولى كمان ربع ساعه وحو يشد وانا اشد
وفى الاخر سيبتيلوا الورقه طبعا لان الحيوان كان هيقطعلى كراسه الاجابه

المهم انى هروح انام
وكل عام ووانتم بخير